Ведаю, як Вар'ят любіць кіно... Не змог мінуць гэту навіну.
У Лос-Анджэлесе 12 сакавіка 2023г. адбылася 95-ая цырымонія ўручэння прэміі Амерыканскай кінаакадэміі. Галоўным трыумфатарам вечара, як і чакалася, стаў фільм "Усё ўсюды і адразу". Выйграў у 7-мі намінацыях з 11-ці, у якіх быў пададзены. Глядзець вам яго ці не - параіць Вар'ят у сваім блогу - https://www.instagram.com/filmgoer_bobruisk/
А я ж хацеў звярнуць увагу на іншы фільм. Фільм "Навальны" атрымаў прэмію "Оскар" у катэгорыі "Лепшы дакументальны фільм". Карціна канадскага рэжысёра Дэніэла Роэра, якая расказвае пра атручванне расійскага апазіцыйнага палітыка Аляксея Навальнага і яго вяртанне ў расію.
"Мой муж у турме толькі за тое, што казаў праўду. Мой муж у турме толькі за тое, што бараніў дэмакратыю. Аляксей, я мару пра дзень калі ты станеш вольным і наша краіна стане вольнай. Трымайся, мая любоў", - сказала на ўручэнні прэміі Юлія Навальная.
Я фільм паглядзеў. Не буду выконваць ролю кінакрытыка, але фільм досыць моцны.
Фенербахчэ - Варта 1 : 0 ( 3 - 2 )
Тарпеда-БелАЗ - Гамба 1 : 0 ( 3 - 2 )
Матч-тура Фенербахчэ-Варта. Фенербахчэ спыніла палякаў, перапыніўшы іх бяспройгрышную 8мі матчавую серыю запар. Параза Варты - першая параза В.Зарэмскага ў статусе Лепшага гульца КЛФП-2022. Перамога туркаў адначасна з пройгрышамі палякаў і японцаў (Гамба) вярнула каманду І.Прылуцкага ў чэмпіёнскую гонку. А жодзінскі "Тарпеда" К.Махоніна, дзякуючы перамозе, наблізіўся да прызавой тройкі на адлегласць адной перамогі.
Парма - Сантас 1 : 0 ( 3 - 2 )
Жудасна складаецца сезон для бразільскага "Сантаса" А.Літошыка. Пасля 28ого тура ў бразільцаў 5 параз падрад і ўпэўненае наседжанае апошняе месца, але варыянты для выратавання ёсць. Наперадзе яшчэ 10 тураў. А вось у перамоглай у гэтым матчы італьянскай "Пармы" А.Лашчакова ўсё даволі нядрэнна: перамог у другой часцы чэмпіянату больш, чым параз (+5=1-3) і адставанне ад 3яго прызавога месца ўсяго толькі 2 ачкі.
ПСВ Эйндховен - Ліда 1 : 1 ( 3 - 3 )
Спарта - Дынама Мн 2 : 1 ( 3 - 2 )
У "Ліды" А.Савашынскага не атрымаўся рэванш - для перамогі аднаго забітага мяча мала. А "ПСВ" А.Валавiка, як і ў апошнiм матчы паміж гэтымі камандамі, забіла адзін гол з дапамогай прагнозу "х". Нічыйны вынік хоць і падоўжыў серыю беларусаў да 3ех матчаў без паразы, але трохі адкаціў іх па турнірнай табліцы. У сваю чаргу чэшская "Спарта" К.Слабко, двойчы забіўшы (пад канец першага і пачатку другога таймаў), нарасціла адрыў у 4 ачкі ад сябе да найблізкага пераследніка.
Катанні - Аякс 2 : 2 ( 3 - 3 )
ЛА Гэлаксі - Дынама Бр 1 : 1 ( 3 - 3 )
Авеліна - Вольфсбург 2 : 2 ( 4 - 4 )
Рэал М - Барусія М 0 : 0 ( 3 - 3 )
Дынама Да - Баварыя 1 : 1 ( 3 - 3 )
І вось яшчэ чым запомніўся 28мы тур - дастаткам матчаў без пераможца і пераможанага. І практычна ўсе яны знаходзяцца ніжэй за экватар турнірнай табліцы і ў шмат каго падобны лёс:
- 3 матчы не прайграюць: ЛА Гэлаксі (+2=1-0), Дынама Кіеў (+2=1-0), Катанні (+1=2-0)
- 3 матчы не выйграюць: Аякс (+0=2-1), Дынама Брэст (+0=2-1), Барусія Мёнхенгладбах (+0=2-1)
- 4 матчы не можа выйграць Рэал Мадрыд (+0=3-1)
- 5 матчаў не можа выйграць Авеліна (+0=3-2)
- 8 матчаў не можа выйграць Вольфсбург (+0=4-4)
А Баварыя, Рэал Мадрыд і Авеліна тры апошнія матчы гуляюць вылучна ў нічыю.
Так што фактычна ўсе каманды пасля матчаў згулянага тура захавалі статус-кво, а значыць чым бліжэй фініш, тым цікавей будзе назіраць за тым, хто якую дарогу выбера: угару ці ўніз.
